सन्तोष दहित
आजसे दुई दशक आघ आशमानी चौधरी गाउँक कुछ जन्नी (महिला) मनैन आपन घरम ख्याल बलैली । ख्याल बलैना कारण रलहिन, एक्थो सस्था खोल्क आर्थिक, सामाजिक ओ शिक्षासे पच्गुरल गाउँक जन्नी मनैन आघ बह्रैना । यिह उद्देश्य ओ लक्ष्य लेक ख्याल जुटलक आपन गोहि (साथी) हुकन्क बिचम आपन बात ढर्ली । आशमानीक बातह कौनज ठिक बा कल, कलसे कौनोज जन्नी (महिला) मनै कसिख करसेक्बी असिन काम कैख ख्याल जुटलक जन्याओ हट्मटाइ लग्ल । ट फेन, हट्मटैटी लग्लक आपन गोहिहुकन नै डराओ मै बाटु, टुह्र महिह पाछओर्सेकेल साथ देओ कैख सहयोग मग्ली । बस ओत्रहम आशमानी चौधरी आपन तन, मन ओ धन लगाख सस्था दर्ता कर्ना ओंर आघ वह्रली ।
 |
| एक कार्यक्रमम स्थानियहुकनक स्वागत लेटी आशमानी चौधरी । तस्विरः नविन चौधरी |
२०५० साल म ग्रामिण महिला उत्थान केन्द्र नाउँक सस्था दर्ता कर्ली । जब सस्था दर्ता हुइलन त भारि खुशी हुइली आशमानी । स्वाँचल जसिन काम कर मिल्ना हुइल, आपन सपना पुरा हुइल कैख । सस्था दर्ता हुइटीकी आशमानी गाउँ–गाउँ न्याङ्ग लग्ली ओ आपनठे रहल कुछ पैसाले कापी, कलम, मट्टि ट्याल ओ लाल्टीन किन्ख कुछ गाउँम साक्षरता कक्षाके सुरुवाट कर्ली । यी बात सुन्ख और गाउँओरफे रात्री कक्षाके माग करलग्लीन । तर, आपनथे बहुट पैसा निहोख माग हुइलक गाउँम रात्री कक्षा विस्तार कर निसेख्ख बहुट दुखि रलही आशमनी । और गाउँओर फे कक्षा सञ्चालनके लाग कहोरेसे सहयोग मग्ना योजना बनैली । उह योजनाअनुसार एक्ठोे प्रस्तावना (एचयउयकब)ि तयार कैख काठमाण्डौ स्थित दातृ निकायके गेटसम पुग्ली । तर आशमानीह उ दातृ निकायके गेटपाल्या भित्तर जाइनिडेलिन, बहुट फ्यारा कोसिस कर्ली दातृ निकायक ऋयगलतचथ च्भउचभकभलतबतष्खभ ह भ्याटकलाग । गेटपाल्यजुन कबु मिटिङमबाट ट कबु बहार गैरल कैख भित्तर जाइनिदिहन ।
असिख संघर्षसे लर्टी अइलक आशमानी आपन भिजनह पुरा कराईलाग कबुफे बिचलित निुहइली । अन्ततः आशमानी चौधरी नेपालके एक उदाहरण जन्नी मनैया बनरली । दुई दशकके दौरानम अमेरिका, बेलायत, जापान, फिलिपिन्स, लगायत एक दर्जनसे ध्यार देशम घुम सेक्ली । ओस्टक राष्ट्रिय, अन्तराष्ट्रिय अवार्ड पारख्ली कलसे दर्जनौ सम्मान, पुरस्कार फे । एक्ठो गाउँके रात्री कक्षासे सुरु कर्लक आशमानी आब दाङ, रोल्पा, सल्यान ओ बाँके जिल्लाम लघुवित्त कार्यक्रमके माध्यमसे आयआर्जन, आर्थिक विकास, स्वास्थ्य, शिक्षा, मनोसामाजिक, जलवायु परिर्वतन, द्धन्द्ध प्रभावित परिवारके लाग पुर्णस्थापना कार्यक्रम वातावरणमैत्री घर अभियान, महिला शसक्तिकरण, जसिन कार्यक्रम सञ्चालन कर्टि आइल बाटी ।
 |
| विदेशी पहुनासे एक कार्यक्रमम बाउँ पान्जार आशमानी चौधरी । तस्विरः आशमानी चौधरीके फेसवुकमसे |
आर्थिक विकासह बल्गर बनाइक लाग लघुवृत्त कार्यक्रम मार्फत भविष्यम बैंक सञ्चालन कर्ना तयारीम फे बाटी आशमानी । जन्नी (महिला) मनै उह फे थारु समुदायके लर्का असिन काम करि कैख किउ सोच्ल फे निरलह । तर एका–एक चर्चाम अइली । सामाजिक अभियानमसे मजा काम कर्लक कैख उहाँह देशविदेशसे मनै भेटाए अइथिन । पहिला बरा–बरा मनैन भेटाइक लाग रातदिन कोशिस करट तर आजकाल आशमानीह भ्याँटक लाग एक अठ्वार (हप्ता) आघ समय मग्थ ओ उहाक घरम भेटाए अइथिन ।
राजनीतिसे दुर रना आशमानी चौधरीह मेहमेह्रीक पार्टीक मनै आ–आपनओर टानक लाग कोशिस निकर्लक फे निहुइट । कौनज ट आपन पार्टीम अइलसे ¥वाजल ठाउँम टिकट डेना आश्वसन डेखाक टान खोज्ठीन कलसे कौनज मन्त्री समेत बनैना । तर, आशमानी चौधरी आपन ड्याखल सपना यीह सामाजिक अभियानसे पुरा निहुइकसम राजनीतिम हात निदर्ना सोच बनैलबाटी ।
अफिसम कबुनि भेटजिना आशमानी सड्ड फिल्डम रथि । अफिसम बैठ्ना कलक रिर्पाेट बनैना ओ स्टाफ मिटिङक दिन्वा केल हो । सय अफिस टाइमम पुग्ख सक्कु स्टाफहुकन काम खटाख फिल्डम डौर्र्ठी । स्नातक तहसम्मके अध्ययन कर्लक आशमानी चौधरी घोराही नगरपालिका ११ थारु गाउँ निवासी डाई द्रोपती चौधरी ओ बाबा स्व.बलराम चौधरीके सन्ल्ही छाइ हुइटी । (व्यक्तित्व परिचय)
